Dubaitravelattractionsmap: و علشان تطلع بـ Cv اقل ما يقال عنه انه ممتاز لازم تنفذ الستين خطوه دول

و علشان تطلع بـ CV اقل ما يقال عنه انه ممتاز لازم تنفذ الستين خطوه دول :D
و تتأكد انك عملتهم و بكده تضمن لنفسك CV قوى جداُ جداُ يبهر اى HR و يقوى فرصتك فى الحصول على وظيفه =D
1- متكتبش كلمه CV فى نص الصفحه اكيد هو مكنش داخل المطبخ و اكتشف بالصدفه انه CV
2- متجودش و تكتبلى مكان CV كلمه Resume الأتنين واحد
3- الصوره مبتتحطش على اليمين لو عربى او على الشمال لو انجليزى
4- الصورة مبتتحطش اصلا فى الـ CV
5- فى بعض الوظائف بتطلب وجود صوره فلازم تحطها
6- لما تحط الصورة تكون فورمال
7- صوره الولاد الفورمال بلاش تكون سلفى او متصور فى جنينه او قاطعها من فرح صاحبك
8- صورة البنات بلاش تكون ميكب اوفر او بوز بطة او ورك الوزة علشان خاطرى
9- لو فرحات متحطش اطار دباديب و قلوب
10- لو متخانق مع مراتك او خطبيتك بلاش اطار قلوب مكسوره كفايه شلل =D
11- شيل رقم nine و x خالص .. يعنى متحطش اطار من الأساس
12- لو يعنى زنقت معاك قوى و عاوز تحط اطار هو المربع الأسود العادى بس
13-الأسم بيتكتب ثلاثى زى البطاقة فى اول الصفحه فوق
14-بعدها بتكتب العنوان
15- العنوان غرضه مدى بعدك عن الشغل مش جاى يخطبك او يتعرف عليك فى البيت
16- العنوان يكون مختصر بيشمل المحافظة، المدينه ، القريه او الحى
17- لو عندك مشكله إن عنوانك مش هو المطلوب فى الوظيفة امسحه خالص
18- لو سألك فى الأنترفيو مكتبش العنوان ليه اتفاجىء و قوله أحمد على قالى مبيتكتبش
19-تكتب رقم التليفون بعد كده
20- بتكتب رقم التليفون الأوحد بتاعك بس
21- البنات تكتب رقم التليفون اللى بترد فيه على ارقام غريبه علشان خاطرى :3
22- لو مقدم فى شركه اتصالات متكتبش رقم الفودافون ولو مقدم فى شركه فودافون بلاش رقم الأتصالات ابوس ايدك الطاهره يا شيخ
23- اعمل شريحة مخصصه ليك للشغل بس علشان تبقى عارف انها للشغل و تعرف انك لما ترد عليها تكون فورمال فى الرد مش ازيك يا شقيق و عامل ايه يا برنس و فينك يا عمنا =D
24-الأيميل بتاعك يكون فورمال ابعد عن ايميلات Sarasaso و prince Loxur و نجم الجيل
25- الميل الفورمال هو اسمك الأول.اسمك الأخير@اى حاجه.com
زى مثلا Ahmed.Mohamed@gmail.com
26- لو ملقتش تعملها اول حرف من اسمك. اسمك الأخير
زى مثلا A.Mohamed@gmail.com
27- لو ملقتش اعملها اول حرف من اسمك.اول حرف من اسم ابوك.اسمك الأخير
A.M.Ali@gmail.com
28-لو ملقتش قوى و زنقت اكتب رقمين ها رقمين بس بلاش 154786651 ماشى
مثلا AMohamed12@gmail.com و ياريت ميبقاش تاريخ ميلادك ها =D
29- اكتب لينكد ان لو الأكونت عندك كامل و فورمال و متظبط و بتنشر عليه.
30- اللينك بتاع لينكد إن لازم يكون مختصر و يكون مميز لو مش عارف ازاى تقدر تعرفها من هنا .. http://goo.gl/YNCYUO
31- ممكن تحط لينك الفيس بوك بتاعك لو ميزه لو هتقدم مثلا على شغل فى السوشيال ميديا و كنت شغال و عامل نماذج على البروفيل بتاعك
32- اكتب قبل ما تبدأ اى حاجه الـ Job Title او المسمى الوظيفى يعنى انت مقدم على وظيفه ايه علشان هو اكيد مش فاضيلك يقعد يتوقع.
33- الـ Job Title او المسمى الوظيفى حضرتك زى ما هو كاتبه فى الوظيفه متخترعش مسمى جديد علشان خااااااااااطرى ..
34- متكتبش حاجه اسمها Objective كانت موضه قديمه و خلصت
35- اكتب اول حاجه مكان الـ Objective الـ Summary و ده افضل بكتير
36- الـ Summary لازم يكون شامل انت مين / بتعمل ايه / ايه مميزاتك / ليه اختارك انت عن غيرك.
37- التعليم بتاعك بتكتب الجامعه الأول بعد كده الكليه مش العكس ابوس ايديكم.
38- لو واخد MBA او شهاده بعد الكليه بتكتبها قبلها
39- بتكتب القسم بتاعك و التقدير
40- لو التقدير اقل من مقبول متكتبوش وقدم على الوظيفة عادى لو طالب تقدير اعلى ولو سألك قوله أحمد على قالى مبيتكتبش و اشتم شويه انا مسامح =D
41- لو تقدير آخر سنه كويس بتكتب بدل كلمه Grade:>>>
Last-Year Grade: Excellence و تروح عامل Bold على اكسلنس =D
42- اكتب الخبرات بتاعتك او الـ Experience و ترتبها ..
المنصب، اسم الشركه، سنين الشغل ..
43- متكتبش المسمى الوظيفى بتاع الشغل او اللى المفروض بتعمله لأن ده مش ميزه اتكلم عن انجازات عملتها
44- الأنجازات بتتقاس بلغه الأرقام. فأكتب بالأرقم
45-الخبرات بتتكتب من الأحدث للأقدم او من الأقوى للأضعف انا برجح الأولى افضل
46- الطلبة الخبرة بتاعتهم طبقا لـ Monster من العمل التطوعى و التدريبات الصيفيه و المنح
47- مفيش حاجه اسمها اكتب انا متجوزة ولا مطلقه ولا مسلمه ولا مسيحيه.
و مش محتاج اعرف عنك تاريخ ميلادك كام الا لو كنت طالب فى الوظيفه ..
48- محل الميلاد مليش دعوه به، علشان خاطرى نهدى شويه
49- مبنكتبش فى الـ CV حاجه اسمها ICDL خالص لأنها محو اميه كمبيوتر
50- الـ Skills هما اما كمبيوتر او لغه .. مفيش جامد جداً فى البرزنتشن ولا تنين فى الأقناع و لا مقطع السمكه و ديلها فى العرض و الألقاء كل ده هرى.
51- متكونش مقدم جوه مصر و فى شركه مصريه و تكتبلى Native:Arabic هتشلنى اقسم بالله
52- لو الأنجليزى بتاعك اقل من Very Good يعنى بتقدر تتواصل به متكتبوش لأن بعد كده فى Excellent و Fluent و Native يعنى العداد لسه شغال
53-لازم تكون بتعرف تشتغل على الـ Word/Excel/Power Point و الا متعملش CV احسنلك.
54- بتكتب البرامج بتاعتك اللى بتشتغل عليها و تكتب قصد كل برنامج مدى اجاتك ليه
55- متكتبليش فى الآخر Reference nether asking علشان متلبسش فى حيطة =D
56- الـ Bold فى الـ CV زى الماس فى الحياه مبتعملوش الا للحاجه اللى انت عاوزها تشد انتباهه بس.
57- خط الأسم بيكون من 20-22 pt و عناوين الفقرات بيكون 12pt و باقى الكلام eleven pt
58- الخطوط المستخدمه Arial , Times New Roman بلاش خطوط مسروقة و مش موجوده كفايه بقى سرقه حرام عليكم :3
59- لما تخالص الـ CV راجعه على الموقع ده هيقولك التقييم بتاعك و ايه الغلط عندك و تصلحه.


http://goo.gl/X7S66j

Sumber https://iseekthepeak.blogspot.com/

Jangan sampai ketinggalan postingan-postingan terbaik dari Dubaitravelattractionsmap: و علشان تطلع بـ Cv اقل ما يقال عنه انه ممتاز لازم تنفذ الستين خطوه دول. Berlangganan melalui email sekarang juga:

Bali Attractions

BACA JUGA LAINNYA:

Bali Attractions