إزاى تختار مكان تاخد فيه كورس English linguistic communication
أول حاجه بنفكر فيها أول ماناخد الاجازة هيا كورس الEnglish .. بس السؤال هنا بما إنه فى G مكان فى مصر بيدى (English Courses) إزاى تختار المكان الصح اللى تقدر تتعلم فيه صح الصح
هنقولكم على شوية نقط أساسيه تعملها قبل ماتروح ولو لقيتها فى المكان ده ماتترددش إنك تدفع فلوسك فيه ...
(1) لازم قبل ماتروح تسأل حد دخل الكورس ده قبلك و تعرف منه كل التفاصيل .. و لو مافيش حد من أصحابك او من اللى تعرفهم راحوا أدخل على صفحة المكان و اسأل حد من الناس اللى فى الكومنتات اللى راحوه و اوعى تكسف .. انتا هتدفع فلوس
(2) اللغة تعتبر مهارة فى المقام الأول و أى مهارة فى الدنيا ممكن تكتسبها عن طريق (الممارسة) فمن اهم الحاجات اللى لازم تعرفها عن المكان اللى هتروحوا هل فعلا هتتكلموا كتير و تمارس اللغة بجد ولا هيديك كلمتين و كام قاعده جرامر و تعمل Conversation ربع ساعه كل مرة و تمشى
(3) احسن مكان كورسات فى العالم مش هيفيدك بأكتر من 20% و ال 80% الباقيين دول على الطالب لواحده (ايوا اللى هو انتا ) فلو لقيت مكان بيقولك كلام غير كده و بيقولك احنا عندنا مدربين هيخلوك تتكلم فى شهر و زى الأجانب و انتا بس تعالى قدم اعرف إن أغلبهم نصابين (مش كلهم طبعا)
(4) اللغة مكونة من iv مهارات (قراءة .. كتابة .. إستماع .. محادثة) فلازم و حتما ولابد إن مكان الكورس يكون بيهتم بالأربعه مع بعض مش بحاجة او أتنين و سايب الباقى
(5) اوعى تروح الكورس و حاطط هدف ليك الشهادة.. الشهادة فى كورسات الانجلش هيا آخر حاجه تفكر فيها لأن اهميتها فى سوق العمل ولا حاجه و المهم إنك بتعرف تتكلم
(6) الأمتحان لازم يكون إمتحان محترم و طويل و شامل حاجات كتير خصوصا الأربع مهارات اللى قولناهم فوق عشان يقيسوا مستواك الحقيقى فى اللغه و يحطوك فى المكان الصح و يحسنوا فيك الجزىء الأكبر اللى انتا محتاجه
(7) المكان اللى بيستخدم Social Media كويس و بينزلوا بوستات و فيديوهات كتير عندهم عشان يعلموا الناس من غير مايجوا يحضروا معاهم (وديه أحد طرق الدعايا اللى بيستخدموها غالبا المكان ده بيكون كويس لأنه كده عنده ناس محترفين و بيهتم بكل صغيرة و كبيرة عنده (غالبا مش للتعميم)
(8) حاول تشوف مكان يكون قريب منك عشان متجيش في يوم وتكسل
(9) لازم تتعرف علي زمايلاك اللي هناك فى الكورس و يكون فى بينكم جروب على السوشيال ميديا .. ده بيساعدك تحب المكان و الكورس و بيحفزك إنك تهتم باللغة أكتر
(10) اسأل علي عدد الناس اللي بيكون معاك في الليفل و أقصي عدد بيكون موجود فى الليفل لأن العدد لو كبير مش هتحصل المعلومات كويس و لو صغير هتحس بملل فى المكانغ .. افضل عدد بين x ل 15
(11) اعمل تحليل SWOT لكل مكان و قارن بين اكتر من مكان و اختار على أساس اللى انتا شايفه اصلح لمستواك الحالى .. بس هو إيه تحليل SWOT ده
---> تحليل SWOT يعنى تشوف نقاط القوة و الضعف فى المكان و الفرص اللى ممكن تستغلها لو روحت المكان و المشاكل اللى ممكن تحصل برده لو روحته
(12) ياسلام لو قدرت تسأل عن المدرب ذات نفسه وهل هو عنده خبره في التدريس و بيشغل اللى معاه و بيعمل أنشطه كتير ولا لا و هو حد متمكن فى اللغة ولا لأ
(13) شوف الكورس كام ليفل وحاول تشوف كام واحد عدوا اكتر من نص الليفلات وشوف مستواهم دلوقتي عامل ازاى وهل هما اتحسنوا بجد ولا الموضوع مش جايب همه
الكلام ده فعلا مهم لأن الأماكن اللى بتنصب على الطلبه كتير فلازم تحط معايير تقيس عليها
لو فى حاجه تانى مهمه حطوها فى الكومنتات تحت و مستنين رأيكم فى البوست برده فى الكومنتات