تجربتى فى الأيلتس بإختصار overall 7.0 (listening vii , reading 7, writing half dozen , speaking 7.5) أول حاجة انا حجزت قبل الأسعار ماتزيد بيوم وحاولت احجز أبعد ميعاد عشان ألحق اجهز نفسى فحجزت على يوم 25-3 يعنى بعدها بشهرين تقريباً.......كنت باخد كورس فى سنتر هنا فى سوهاج اسمو اريزونا كان بيعرفنا انواع الأسئلة بتيجى ازاى وبيمرنا على كل سكشن وبيقيم السكشنات اللى محتاجة تقييم زى الـ writing والـ speaking مثلاً المهم أنا لقيت لسه فاضل شهرين على الأمتحان ففضلت أتدلع بصراحة وبدأت ازاكر قبل الأمتحان بأسبوع بالظبط وده ملخص اللى عملته 1- writing: فتحت موقع edx بيقدم كورس تحضيرى مجانى بطريقة مبدعة جداً وهتخليك تحب المزاكرة لو انت من النوع اللى بيمل من المزاكرة وده اللينك : https://www.edx.org/course/ielts-academic-test-preparation-uqx-ieltsx-1 وبدأت بال writing لأنى واقع جداً فيه وفضلت اكتب ملاحظات عن الحاجات المهمة فى الـ writing واللى بتاخد عليها درجات عشان أركز عليها فى الأمتحان وجيت وانا مسافر عشان أمتحن اكتشفت ان كل سؤال ليه طريقة اجابة معينة يعنى لو قالك مشكلة وايه حلها من وجهة نظرك مثلاً لازم تقسم الـ essay تكتب المشكلة وايه سببها وتدى مثال وبعدها تكتب الحل ومثال عليه وتدعم الفكرة -ده مثال من الأمثلة- لكن الأسئلة بتكون vii أنواع تقريباً وكل نوع ليه طريقة اجابة مختلفة وعشان تعرف تجاوب السؤال ازاى تدخل على الموقع ده اللى اكتشفتو وانا فى الطريق للامتحان ودخلت عليه جهزت نفسى فى السريع: https://www.ieltsadvantage.com/2015/03/03/ielts-writing-task-2-essay-structures/ 2- Listening ده بقى بيعتمد على ممارستك للغة لو بتسمع اغانى كتير وبتتفرج على افلام كتير وكمية الكلمات اللى انت تعرفها لكن عشان تحسن نفسك فى الجزء ده هتدخل على edx برضو وهما هيعرفوك ازاى تكون مركز فى الامتحان وتعرف الاجابة هتيجى امتى وتتوقعها قبل ماتتقال سواء كان تاريخ او رقم او اسم وفى نهاية الكورس بيدوك امتحان كامل للـ listening وبيتصحح اوتوماتيك وبتعرف تقييمك بعدها تطلع على كتب كامبريدج الـ 12 تحاول تمارس على قد ماتقدر عشان كل تست هتلاقى كام كلمة انت مش عارفهم فلما تبص على نموذج الاجابة هتحفظهم لأن معظم الكلمات بتتكرر, خلصت؟ نزل كتاب اسمو ielts 1200 mutual words ده فيه 1200 كلمة اللسيننج مش هيخرج منهم هتلاقى نفسك عارف 700 800 كلمة وممكن اكتر وممكن أقل حاول زودهم بقى على ماتقدر ولو لقيت نفسك عارفهم كلهم يبقى انت كدة مش ناقصك غير جزئية تعرف الاجابة هتتقال امتى ومتستبعدش تجيب ix بس المشكلة ان الايلتس مش امتحان ساذج وسعات بيقولك كزة اجابة فى نفس الجملة فلازم تكون مركز تشوفو هينفى مين فيهم وهيأكد مينز 3- Reading: ده بقى كان عقدتى لأن القطعة 900 كلمة مكنتش بفهم منها غير 400 مثلاً وباقى الكلام باخدو بالفهلوة, بس فى حاجة فى الأيلتس ممكن نستغلها فى صالحنا وهى ان السكشن ده بيكون 12 نوع أسئلة منهم eight تقريباً بيكونو inwards passage companionship يعنى ايه؟ يعنى لو لقيت اجابت السؤال ده فى أول سطر هتلاقى اجابة السؤال التانى فى السطر الى بعدو او اللى بعد بعدو وهكذا فهتفضل ماشى بالترتيب تطلع الاجابات ولو فى اجابة شكيت فيها وكان مكانها فوق اعرف انها مش هى لانك بتنزل لتحت مش بتطلع لفوق....طيب حلو ايه بقى الاسئلة اللى مش بتيجى بالترتيب؟ هى الاسئلة اللى مينفعش تبقى بالترتيب! ازاى بقى؟ يعنى مثلا هيجبلك كزة جملة a b c d ويقولك ماتش كل جملة مع براجراف مناسب فأكيد Influenza A virus subtype H5N1 مش هتكون مع اول براجراف وB مع تانى براجراف لأن احنا اتفقنا ان اللأيلتس مش ساذج.....عشان تعرف ايه الاسئلة اللى بتيجى بالترتيب وايه الاسئلة اللى مش بالترتيب هتلاقى فى كورس edx بيقولو وانت ما عليك غير انك تكتب نوتس بقى ولو بتاخد كورس تحضيرى فى اى سنتر أكيد هيقولك عليهم لان دى زتونة الreading كلو. 4- Speaking: الـ speaking بقى بعبع المصريين والناس كلها بتخاف منو وانا عرفت السبب من ده ايه....الحاجات اللى بنشوفها على اليوتيوب والكورسات المجعلصة اللى بتدى تعليمات صعب الواحد يتقنها بسهولة ومنهم edx برضو يعنى نصيحة لما توصل للـ speaking ابعد عن edx, امال ازاى اجيب سكور فى الـ speaking؟ أول واهم حاجة الممارسة اتصرف بأى شكل ومارس ان شالله لو هتروح المتحف المصرى تتلزق للأجانب هناك وتتكلم معاهم, انا من سنتين كنت مسافر برة وكنت اول مرة اسافر ومكنتش بمارس خالص قبلها وكنت بقول he bring وغلطات من القبيل ده غلطات كارثية ميغلطهاش عيل صغير لكن مع الممارسة بتتحسن وبتعرف الصح من الغلط يعنى انا لو حد جبلى جملة وقالى دى زمن ايه فى القواعد مش هعرف لكن لو جابلى نفس الجملة ناقصة كلمة او فعل وجابلى اختيارات هختارها صح لأنى باخدها بالسينس...تانى وأهم نصيحة متحاول تتفزلك فى الامتحان خلى الموضوع سيمبل على قد ماتقدر وحاول متغلطش فى الجرامر ويستحسن تسكت اول ماتتسأل وترتب الكلام فى دماغك وتقولو لكن متسكتش فى وسط الكلام وعلى فكرة انا لما كنت بجهز على اليوتيوب كان فى قنوات كتير تقولك متكررش نفسك وقول أفكار مختلفة لكن صدقونى انا أثناء الامتحان كان بيتكلم معايا عن الضوضاء ومكنتش بتكلم غير على كلكسات العربيات فى مصر ولا جبتلو امثلة تانى ولا غيرو بس وانا بتكلم معاه كنت واثق من نفسى وباخد وبدى معاه فى الكلام يعنى سألنى سؤال كدة فبقولو قصدك مصر ولا عمتاً؟ فلما تاخد وتدى معاه وتحول الامتحان لمحادثة عادية هتلاقى نفسك مش متوتر وبتتكلم بطلاقة لان صدقنى التوتر بينسيك أسهل كلمات فى دماغك ولو حد راح كورس فى سنتر قبل كدة وكان بياخد speaking هيعرف النقطة دى كويس. دى كانت تجربتى فى الايلتس وانا فعلاً مزاكرتش كتير بس صدقونى الامتحان فهلوة أكتر ماهو مزاكرة لازم تبقى عارف كل جزء فى الامتحان بيتحل ازاى وتلعب عليه, وعلى فكرة انا قبل الامتحان بأسبوعين عملت تحديد مستوى على موقع تبع كامبريدج برضو وقالى مستوايا يجبلى 5.5 فى الايلتس لكن الحمد لله جبت vii والسبب ان تقييم المستوى والحاجات دى بيقيم القواعد والكلمات وحروف الجر والحاجات دى لكن فى الايلتس انت مش بتحتاج الحاجات دى اصلا الا فى الـ writing والـ speaking نوعاً ما يعنى لو خليت الـ speaking كلو ماضى وضارع ومستقبل بسيط بس هتجيب اسكور عالى أهم حاجة متغلطش وتنطق صح. ولو حد عنده استفسار انا تحت امره تعديل: ناس كتير طلبت لينك كتاب الـ 1200 كلمة اللينك مــن هنــا
Home » ايلتس »
تعلم الإنجليزية »
مقالات »
مقتطفات فى اللغة
» Dubaitravelattractionsmap: تجربتى فى الأيلتس بإختصار Overall 7.0